Skráin til tiltakið fólk og fuglar 6. apríl
Hvussu stendur til hjá fuglunum í Føroyum? Hvørjir trívast, og hvørjir eru hóttir? Kom og hoyr um nýggjastu kanningarnar um fuglalívið í Føroyum, og fá íblástur til tín næsta túr í fjøruna. Sunnudagin 6. apríl kl. 14-16 skipa Umhvørvisstovan, Tjóðsavnið og Havstovan fyri tiltaki um fuglar í Føroyum í Skálanum í Norðurlandahúsinum, har nýggj vitan um drunnhvíta og lomviga verður løgd fram.
Skráin er hendan:
| 14.00 | Vælkomin | Sigurð í Jákupsstovu, stjóri á Umhvørvisstovuni |
| 14.10 | Áhugi fyri fugli | Jórun Pólsdóttir, saman við Silasi Olofson hevur Jórun skrivað bókaverkið “Fuglar okkara”, sum varð útgivið í 2022.” |
| 14.30 | Lomvigi og úrslit frá fuglateljingum í Høvdanum í Skúgvoy | Jóhannis Danielsen, lívfrøðingur á Havstovuni. |
| 14.45 | Drunnhvíti og kanningar í Nólsoy | Janus Hansen, lívfrøðingur á Tjóðsavninum. |
| 15.00 | Sofaprát um fólk og fuglar | Maria Gunnleivsdóttir Hansen, lívfrøðingur á Umhvørvisstovuni |
| 15.50 | Tikið verður samanum | |
| 16.00 | Liðugt | |
Fuglalívið í Føroyum er fjølbroytt, og fert tú út um dyr, er mangt at síggja. Nøkur fuglasløg eru harumframt týðandi fyri alheims fuglastovnin. Nólsoy, Skúgvoy og Mykines eru altjóða vátlendisøki, sonevnd Ramsar-øki, har fuglur verður taldur fyri at fylgja við stovninum.
Kom til eitt prát um fuglar, um hvussu teir búleikast og finna sær føði, og um hví tað er so hugtakandi at eygleiða fugl.
Tiltakið er ókeypis, og øll eru vælkomin. Tó er neyðugt at tekna seg: Fólk og fuglar – framløga og sofaprát – Umhvorvisstovan
