Lýsingar og kunngerðir

Lýsingar og kunngerðir frá Umhvørvisstovuni eru á hesari síðuni.

13-05-2013 | Lýsing av umhvørvisgóðkenning hjá Spilloljuverkinum og móttøku hjá IRF á Hagaleiti

Við hesum verður gjørt kunnugt, at Umhvørvisstovan tann 8. mei 2013, við heimild í § 29 í løgtingslóg nr. 134 frá 29. oktober 1988, um umhvørvisvernd, sum seinast broytt við løgtingslóg nr. 128 frá 22. desember 2008, og § 1, nr. 4 í kunngerð nr. 54 frá 3. mai 1994 um at leggja eftirlits- og umsitingaruppgávur eftir umhvørvisverndarlógini til Umhvørvisstovuna, sum broytt við kunngerð nr. 90 frá 28. september 2007, hevur umhvørvisgóðkent:

Spilloljuverkið og nýggju móttøkuna av vandamiklum burturkasti á Hagaleiti í Leirvík

Góðkenningin liggur alment frammi á Umhvørvisstovuni, og sæst við at trýsta her.

Avgerðin kann kærast til landsstýrismannin við umhvørvismálum.

Kærurætt hava tey, sum avgerðin hevur ein týðandi persónligan týdning fyri. Les meira um at kæra her.

Møgulig kæra skal sendast Umhvørvisstovuni, Traðagøta 38, FO-165 Argir, í seinasta lagi fýra vikur frá dags dato, t.e. mánadagin 10. juni 2013.