Skógrøkt

Uppgávan hjá virkisøkinum Skógrøkt er at vera tann útinnandi deildin á Umhvørvisstovuni í málum um umsiting av almennum jarðum. Tað fevnir eitt nú um røkt, rakstur og menning av náttúrulendum, viðarlundum, urtagarðsbrúki, fríluftslívi, náttúruferðavinnu, veiðu & frítíðarfiskarí.

Arbeiðið hjá Skógrøkt:

• Veita útbúgvingar-, royndar- og menningarmøguleikar til tann grøna sektorin
• Umsita, røkja og menna skógfriðaðar viðarlundir í samstarvi við Skógfriðingarnevndina
• Umsita, røkja og menna onnur viðarlundarmál, til dømis CO2 binding, lívdarplanting og trivnaðar- og heilsuplantingar
• Umsita, røkja og menna frílendi og náttúrufriðaði lendi
• Menna plantualingina og -framleiðsluna á Gróðurstøðini
• Menna vísindaliga arbeiðið við royndum av trøum, runnum og øðrum vøkstri
• Menna royndir innan lendisrøkt, lendisskipan, arbeiðsútgerð v.m.
• Selja plantur v.m.
• Samstarva við myndugleikar og sektorar við felags markamóti
• Taka lut í norðurlendskum og altjóða samstarvi
• Ráðgeva og kunna myndugleikar, borgarar og áhugabólkar