|

Nú nógv er at hoyra um veðurlag og útlát av veðurlagsgassi, hevur Umhvørvisstovan savnað tilfar saman fyri at lýsa evnið og hvørji árin stóra útlátið hevur á umhvørvið.
Útlát av veðurlagsgassi og veðurlagsbroytingar, er ein av stóru alheims umhvørvistrupulleikunum. Keldurnar til útlát av veðurlagsgassi stava í stóran mun frá brenning av olju, koli og øðrum fossilum brennievnum. Øktu nøgdirnar av veðurlagsgassi í lofthavinum virka sum ein eyka bjálving av jørðini, við tað, at tær halda aftur hita, sum annars hevði farið út í rúmdina. Halda vit á at økja um útlátið av veðurlagsgassi, hækkar miðalhitin á jørðini og broytingar av ymiskum slagi fara at merkjast.
Hugtøk í sambandi við Veðurlagssáttmálan og Kyoto protokollina
Trýst her og les lista yvir hugtøk í sambandi við veðurlagssáttmálan.
Flestu hugtøkini í hesum lista eru leysliga týdd úr bóklinginum Climate Change: A Glossary of Terms, International Petroleum Industry Environmental Conservation Association, 4th Edition, April 2007. Suni Petersen á Umhvørvisstovuni hevur týtt.
Evnislisti |