Burturkast

Frá at burturkast stórt sæð antin varð tveitt á sjógv ella brent á opnum báli, er burturkastøkið í dag nógv betur skipað.

Kommunurnar hava innsavningarskipan til húsarhaldsburturkast, pappír og papp og vandamikið burturkast, umframt at bingjupláss eru í øllum kommunum, har borgarir kunnu sleppa av við burturkast. Tað er í kunngerð álagt øllum at nýta innsavningarskipanirnar hjá kommununum ella tann avhendingarmøguleika, ið kommunan vísir á.

Umhvørvisstovan virkar fyri hesum meginreglum fyri nýtslu og burturbeining:

1. Minka um nøgdina av burturkasti - er t.d. at brúka minni av pakkitilfari
2. Endurnýtsla - er t.d at endurnýta glasfløskur
3. Endurvinning av tilfari - er t.d. at umsmelta alminiumsdósir
4. Orkuendurvinning - er t.d. tá hiti frá brennistøðum verður brúktur til upphiting av húsum
5. Burturbeining - er t.d. tyrving og brenning uttan orkuendurvinning

Burturkast frá skipum

Vilt tú vita meira um burturkast, so ring til Eyð Eidesgaard á Umhvørvisstovuni, tlf. 342400, ella send okkum ein teldupost us@us.fo