140x140

Í starvsvenjing sum landmátari

Starvslesandi
Hevur tú júst lokið eina miðnámsskúlaútbúgving á náttúrubreyt og ert í iva um, hvar leiðin nú gongur? Hevur tú hug at uppliva okkara land og fólk á ein øðrvísi hátt? So hevur umhvørvisstovan eitt gott tilboð til tín.
Vit søkja eftir einum  hjálparfólki til landmáting í tíðaravmarkað starv frá 1. januar 2020 til 17. juli 2020, til matrikuldeildina á Umhvørvisstovuni.

Starvið fevnir um
Upplæring í uppmáting, matrikulering, útskifting, málsviðgerð og annað arbeiði í hesum sambandi.

Vit bjóða
Vit bjóða tær eitt spennandi starv á einum stovni við sera fjølbroyttum uppgávum, har tú fært góðar møguleikar at menna tínar førleikar. Tú kemur at arbeiða í tøttum samstarvi við deildarleiðaran og starvsfólkini á deildini, bæði innandura- og uttandura.

Framtíðin
Okkum tørvar útbúnar landmátarar í Føroyum. Við hesari starvstíð finnur tú útav, um hetta ella líknandi arbeiði er nakað fyri teg, og um tú kundi hugsað tær at lært víðari innan hetta økið. Setanarmøguleikarnir eftir lokna útbúgving eru góðir.

Vit vænta
Tú ert álítandi, kanst taka ábyrgd og hevur hug at menna tínar førleikar innan tekniskt arbeiði. Tú hevur góð samskiftisevni, bæði í skrift og talu, støddfrøði á A støði, og áhuga fyri teldum og teknikki. Tú sært nýggjar og fjølbroyttar uppgávur sum spennandi avbjóðingar. Koyrikort er ein fyrimunur. Somuleiðis er tað ein fyrimunur, at tú hevur hylling á jarðarviðurskiftum.

Setanarviðurskifti
Starvið er fulltíðarstarv og verður sett sambært sáttmála millum Fíggjamálaráðið og Starvsmannafelagið. Skrivlig umsókn við avriti av prógvum, CV og møguligum viðmælum skal sendast til:

Umhvørvisstovan Postboks 2048, 160 Argir ella sum teldupostur til: starv@us.fo.

 

Umsóknir skulu vera Umhvørvisstovuni í hendi seinasta lagi tann 25. november 2019. Meira fæst at vita um starvið við at venda sær til Ronnie Thomassen, deildarleiðara, á telefon 342400 ella við telduposti til ronniet@us.fo.

Vilt tú vita meira um útbúgvingina til Landinspektør, kanst tú lesa meira her.
https://www.aau.dk/uddannelser/bachelor/landinspektoervidenskab/adgangskrav/

 

Leys Størv